ليتشي/لازيو
هذي المقابلة الأولي تتلعب الستة متاع لعشية بتوقيت تونس..ليتشي في المرتبة 20 ب 13 نقطة (المرتبة الأخيرة) و لازيو في المرتبة 4 ب 25 نقطة...منطقيا لازيو هي الي مش تربح...
تاريخ المقابلات بين الزوز جمعيات يقول الي ليتشي ربحت مرتين مرَة في قواعدها عام 2005 و مرة خارج قواعدها في شهر جانفي 2011...التعادل حسم المواجهات مرتين عام 2004 و عام 2008 و لازيو صاحب المرتبة الرابعة ربح مرتين أكهو في الستة مواجهات بين الزوز جمعيات من عام 2004...و المرتين الي ربحت فيهم لازيو خارج قواعدها كانوا في شهر ماي 2011 تاريخ آخر مواجهة بين الزوز جمعيات و مرَة أخري عام 2009...و في المرتين هاذوما ربحت بفارق زوز بونتو 2-0 و 4-2...نفهموا لهنا الي ليتشي تنجم تقلَق لازيو..
ليتشي ما ربحتش عندها 3 جولات و تتفكروا أكيد المبارة الوحيدة الي ربحتها في الموسم هذا كانت قدَام تشيزينا و بفارق هدف واحد
لازيو من شهر أكتوبر لعبت عشرة مقابلات بين البطولة و البطولة الاوروبية تعادلت في 3 مناسبات قدام نابولي و كاتانيا و فاسلوي و ربحت 6 مقابلات منهم زوز خارج قواعدها و خسرت مقابلة وحيدة قدام ليوفي صاحب المرتبة الأولي.
المدرب دي فرنشيسكو مدرب ليتشي تم فصله بعد الهزيمة الاخيرة 4-2 قدام نابولي و تم تعويضو ب كوسمي مدرب عمرو 53 سنة و درب في موسم 2005/2006 اودينيزي و عمناول شد شهر مدرب لبالرمو قبل ما يجي ديليو روسي...دفاع ليتشي ما ينجمش يصمد قدام دجيبريل سيسي و توماسو روشي الي عمل دوبلي قدام نوفارا لثنين الي فات
النتيجة المتوقعة 2
